Mest umtalaða vápnahvíldin í nýggjari tíð er nú longd tveir dagar aftrat.

Tað eru ísraelska stjórnin og Hamas komin ásamt um.

Longda freistin verður millum annað brúkt at lata leysar fleiri av gíslunum, sum Hamas tók 7. oktober, og palestinskar fangar í ísraelskum fongslum.

Men hvussu viðbrekin er vápnahvíldin, hvørji eru útlitini fyri einum varandi friði, og hvønn leiklut eigur alheims samfelagið at fáa frið í lag?

Tað eru nakrir av spurningunum, sum vit í dag viðgera saman við Tommy Petersen. Hann arbeiddi í fleiri ár fyri hjálparfelagsskapin Danida í Ramallah, har hann m.a. var ráðgevi hjá palestinsku stjórnini.

Áki Johansen, sendimaður Føroya í Ísrael, er somuleiðis beinleiðis við í sendingini.

Í sendingini: Tommy Petersen, Áki Johansen og Heini í Skorini.

Gjørt sendingina: Elin Winther Poulsen, Hallur av Rana og Birgit Carina Eliasen, sum var redaktørur.

Tøkningur: Rúni Eysturlíð.