Keypa skip til Skúvoyarleiðina

Landsstýrið ætlar at keypa eitt 19 ára gamalt skip til Skúvoyarleiðina. Við øllum kostar skipið, sum er danskt, 6,5 mió. kr.

Strandferðslan hevur funnið skipið fyri landsstýrið. Skipið er bygt í 1994, tað tekur 30 til 36 ferðafólk og fimm tons av farmi. Tað siglir 16 til 22 míl.

Landsstýrið hevur biðið um eykajáttan í ár, tríggjar milliónir krónur, til skipið, so tað kann fáast til Føroya í ár.

Pengarnir skulu takast frá játtanini til Nólsoyarferjuna, sambært eykajáttanarlógini.

Næsta ár skal skipið umbyggjast og uppstigast. Skipið, sum verður keypt til Skúvoyarleiðina, kemur í staðin fyri Sildberan, sum er bygdur í 1979.