Serfrøðingar eftirmeta Fróðskaparsetrið

Serfrøðingar eftirmeta Fróðskaparsetrið
Endamálið við eftirmetingini er, at Fróðskaparsetrið fær altjóða viðurnenning og at vit gerast partur av Bologna-avtaluni, sigur Bjørn Kalsø, landsstýrismaður.
 
02.10.2013 - 13:08

Fróðskaparsetur Føroya verður nú eftirmett av uttanhýsis serfrøðinganevnd, sum Bjørn Kalsø, landsstýrismaður í mentamálum, hevur sett.

Frágreiðing verður eftir ætlan liðug á heysti 2014. Serfrøðinganevndin hitti landsstýrismannin mánadagin, og í gjár var nevndin á vitjan á øllum deildum á Fróðskaparsetrinum.

Tey, ið manna serfrøðinganevndina eru: Linda Nielsen, professari, dr.jur. Københavns Universitet, Jón Torfi Jónasson, professari, PhD. Háskóli Íslands og Jürg Glauser, professari, University of Zürich.

Mentamálaráðið fer at veita nevndini skrivarahjálp til arbeiðið.

Serfrøðingarnir skulu meta um virksemið á Fróðskaparsetrinum í síni heild.

Tey fáa fríar teymar at meta um øki, ið tey sjálv halda hava týdning fyri ein útbúgvingar- og granskingarstovn, sum skal virka á altjóða støði.

Í lógini um Fróðskaparsetur Føroya er ásett, at landsstýrismaðurin skal skipa fyri eftirmeting av Fróðskaparsetri Føroya, og at uttanhýsis serfrøði skal gera eftirmetingina.

Hetta er fyrstu ferð at ein slík uttanhýsis eftirmeting verður gjørd.

Arbeiðið verður gjørt í samstarvi við leiðsluna á Fróðskaparsetrinum.

Er kopiera
Nýggjastu sendingar í ÚV
Nýggjastu sendingar í SV
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979