Herverk á 10 neyðljós í Trøllanestunlinum

Í síðstu viku varð herverk framt á 10 av neyðljósunum, sum eru fest í veggin í Trøllanestunlinum, átta í sjálvum tunlinum og tvey í tunnilsarminum út í Djúpadal.

Tað upplýsir Landsverk, sum hevur meldað tilburðin til løgregluna.

Tað er sera óheppið, at ljósini ikki fáa frið, tí tey hava til endamáls at betra um trygdina í tunlunum, sigur Landsverk. 

Fleiri herverk

Fleiri herverk eru framd í tunlum seinastu árini.

Seinast, herverk varð framt á tunnilsútgerð, var í juli í 2011, tá skelti í Árnafjarðartunlinum og Hvannasundstunlinum ikki fingu frið. Frammanundan varð eisini herverk framt á ljósskipanina í Gásadalstunlinum og Hovstunlinum, eins og sløkkiútgerðina í Leynatunlinum og Norðskálatunlinum. Hetta var í 2009 og 2010.

Eisini hesir tilburðir vórðu meldaðir til løgregluna