Kringvarpið endaliga flutt úr Vørðsluni

Eitt tíðarskeið í føroyskari miðlasøgu endaði í morgun, tá Kringvarpið á seinasta sinni snaraði lykilin um í Vørðsluni í Havn, har sjónvarpið hevur hildið til síðani tað varð stovnað í 1983.

Bygningarnir hava seinastu 30 árini verið karmur um virksemi hjá fyrst Sjónvarpi Føroya, og, síðani samanleggingina av útvarpi og sjónvarpi í 2005, hjá sjónvarpinum.

Í mai mánað varð miðvíst byrjað at savna starvsfólk og framleiðslu í Sortudíki, har alt virksemi hjá stovninum nú er savnað. Starvsmannafelagið hevur keypt høvuðsbygningin í Vørðsluni.