Eysturskúlin er ársins roykfríi skúli

8. a  á Eysturskúlanum vann kappingina um at vera Ársins roykfríi skúli 2013.

Afturfyri vunnu tey eitt leygarkvøld við bæði mati, bowling, tónleiki og vatnbóltum.

Næmingarnir í 8. A vóru væl nøgdir við kvøldið í høllini á Hálsi seinasta leygarkvøld.

Á skúlanum kemur at hanga ein heiðurspláta við heitinum: “Ársins roykfríi skúli 2013".

Talið av luttakandi flokkum var tvífalt so stórt sum í fjør, við 55 skúlaflokkum kring alt landið, sum vóru við í kappingini.

Flokkarnir skuldu vera roykfríir í ein mánað, frá 10. september til 10. Oktober.

Tað megnaðu 49 flokkar, og í lutakasti, sum Pál Weihe frá Fólkaheilsuráðnum skipaði fyri, gjørdist 8. a úr Eysturskúlanum hepni vinnarin.