Breiðka vegin ímillum Skálabotn og Skipanes

Tað, sum er eftir at breiðka av landsvegnum millum Skipanes og Skálabotn, verður nú breiðkað.

Landsverk upplýsir, at leingi hevur verið ætlanin at breiðka landsvegin millum Skipanes og Skálabotn.

Pengar eru í fíggjarlógini í ár, so arbeiðið kann byrja.

Fyrsta og annað byggistig eru boðin út.

Articon eigur lægsta boð, sum er slakar 4,5 mió. krónur.

Fýra tilboð komu. Landsverk hevur gjørt sáttmála við Articon.

Arbeiðið skal vera liðugt næsta summar.

Teinurin er halvan annan kilometur.

Vegurin verður breiðkaður við at fylla upp niðanfyri, har hetta ber til, og í øðrum lagi at taka av lendinum omanfyri.