Lærarar nýggjan sáttmála

Lærarafelagið og Fíggjarmálaráðið gjørdu skjótt av í sáttmálasamráðingunum hesaferð.

Tvey ára sáttmáli varð undirskrivaður í gjár.

Sáttmálin er galdandi til 1.oktober í 2015.

Lærarafelagið og Lønardeildin høvdu fyrireikandi fund 12.september.

Krøvini vóru handað 24.september, og fyrsti samráðingarfundurin var 26.september.

Sambært sáttmálanum hækkar mánaðarlønin 1.oktober í ár 190 kr. umframt 0,9 prosent.

Og 1.oktober næsta ár hækkar lønin 1,9 prosent.

Lærarafelagið sigur, at frá næsta skúlaári verða latnir fýra tímar fyri flokslæraraarbeiði fyri hvønn næming í fyrsta flokki um árið, sum er ein tími meira enn nú.

Nýggj avtala er gjørd um starvsvenjing á Námsvísindadeildini á Fróðskaparsetrinum, sum Læraraskúlin eitur nú.

Venjingarskúlin er strikaður sum venjingarskúli, men samsýningin fyri starvsvenjingar - og samtalutímar er hækkað munandi, sigur Lærarafelagið.