Wilhelm Petersen stjóri á Vinnuháskúlanum

Landsstýrismaðurin í mentamálum, Bjørn Kalsø, hevur sett Wilhelm Eyðinsson Petersen í starvið sum stjóri á Vinnuháskúlanum.

Wilhelm Petersen er 51 ára gamal og útbúgvin civilverkfrøðingur frá DTU. Hann hevur tikið Ph.D á sama universiteti, og hevur harumframt lisið búskap á CBS. Wilhelm Petersen hevur drúgvar leiðsluroyndir frá fíggjarstovnum og innan oljuvirksemi.

Fleiri nevndarsessir

Eisini hevur hann mannað nevndarsessir í fleiri størri vinnufyritøkum. Seinasta hálva annað árið hevur Wilhelm Petersen verið lærari á Vinnuháskúlanum. Hann hevur eisini undirvísingaroyndir frá DTU og Fróðskaparsetrinum.

Wilhelm Petersen byrjar í stjórastarvinum tann 1. desember.