Samráðast enn í Skálavík

Samráðst verður framvegis í Deplinum í Skálavík, har umboð fyri Skipara- og navigatørfelagið og Maskinmeistarafelaglið øðrumegin og Fíggjarmálaráðið hinumegin tingast um nýggjan sáttmála.

Terje Sigurðsson, semingsmaður, sigur, at partarnir høvdu fund alt gjárkvøldið og út á náttina, og samráðingarnar hildu fram í morgun.

Terji Sigurðsson vil ikki siga, hvat røkist fyri semju. Hann sigur tó, at samráðingarnar halda fram, tað sum er eftir av degnum.