CIP-tilboðið galdandi til nýggjárs

Sjálvsstýrisflokkurin hevði landsfund leygardagin, og Kári P. Højgaard, formaður og fyrrverandi landsstýrismaður við innlendismálum, nýtti høvið til at finnast hvassliga at landsstýrinum fyri handfaringini av Eysturoyartunnlinum.

- Tveir mánaðir eru gingnir, og enn er eingin loysn funnin. Samgongan stendur sum ryssa yvir deyðum fyli, segði Kári P. Højgaard millum annað.

Jørgen Niclasen, landsstýrismaður við fíggjarmálum, umsitur nú tunnilsmál, men enn er ógreitt, nær hann kemur við einum uppskoti. Frammanundan eru fleiri tunnilsuppskot í rættarnevndini, sum hevur fingið longt freistina at skriva álit til 4. februar.

Men tá hevur CIP tikið seg úr ætlanini, sambært Kára P. Højgaard. Formaðurin í Sjálvstýrisflokkinum segði eisini, at tilboðið frá CIP um at gera Eysturoyartunnilin er galdandi til 31. desember. Tá tekur CIP seg endaliga úr verkætlanini og at byggja, eiga og reka Eysturoyartunnilin. .