Loynilurting fyri í løgtinginum í dag

Í dag fer løgtingið at viðgera spurninginum, um løgreglan skal hava víðkaða heimild til at loynilurta telefonir, fartelefonir, teldur og á annan hátt eygleiða fólk uttan teirra vitan.

Bjørn Elmquis, hægstarættarsakførari og formaður fyri Retspolitisk Forening í Danmark, ávarar staðiliga løgtingslimir at samtykkja uppskotið. Í útvarpið í gjár kallaði hann uppskotið fyri ein lið í einari óndari eftirlitisringrás. Tað er rætturin hjá føroyingum at liva eitt frælst lív uttan yvirumsjón, sum er til viðgerðar.

Tingviðgerðin byrjar klokkan 11. Fylg við viðgerðini á Tingvarpinum.

Hoyr samrøðuna við Bjørn Elmquist í útvarpstíðindunum mikukvøldið HER.