Útgerð í brunnbát fyri 54 mió. kr.

Bakkafrost hevur skrivað sáttmála við Rolls Royce um allan útbúnaðin til nýggja brunnbátin hjá alifyritøkuni. Sáttmálin er 54 milliónir kr.

Brunnbáturin verður útgjørdur við nýggjastu tøknini, og verður millum heimsins mest framkomnu brunnbátar. Hann verður 3.250 bruttutons, 75 metrar langur og hevur brunnar, ið rúma 3.000 rúmmetrar.

Nýggi brunnbáturin hevur sergjørda skipan, har allur sjógvurin umborð verður re-sirkuleraður og sóttreinsaður, áðrenn hann verður leiddur út.

450 tons av livandi laksi

Báturin kann flyta 450 tons av livandi laksi. Brunnbáturin skal kallast upp eftir Hans á Bakka, sála, sum saman við bróðurinum, Roland Jacobsen, setti Bakkafrost á stovn í 1968.

Tersan skipasmiðjan í Turkalandi, sum skal smíða. Hans á Bakka skal verður liðugur á vári í 2015.