Sambýli á Strondum fyri 10 mió. kr.

Sambýli á Strondum fyri 10 mió. kr.
Kommunan ætlar at hækka skattaprosentið í trý ár at fíggja sambýli, sum skal byggjast í Dávagerði - oman fyri skúlan
 
27.11.2013 - 08:53

Sjóvar kommuna hevur samtykt at byggja sambýli og at byggja íbúðir tætt upp at sambýlinum, soleiðis at bæði ung og gomul kunnu búgva saman. Tað skrivar heimasíðan hjá kommununi.

Økið, sum byggjast skal á, er oman fyri skúlan á Strondum - nevnt Dávagerði. Sjóvar kommuna væntar, at tað fer at kosta 10 miljónir krónur at byggja sambýlið.

Íbúðir

Íbúðirnar verða somuleiðis bygdar í Dávagerði. Talan verður um tvær støddir av íbúðum, og summar íbúðir fara at hava beinleiðis tilknýti til sambýlið, soleiðis at tey, sum búgva í íbúðunum, kunnu fáa tænastur og umsorgan frá starvsfólki í sambýlinum. Nettoskuldin hjá kommununi er umleið 17 mió.kr., og við eini álíkning upp á umleið 26 mió.kr. er nakað upp til skuldarhámarkið.

Skatturin hækkar

Fyri at fíggja verkætlanina fer kommunan at hækka skattaprosentið við einum prosenti í trý ár  - fram til 2016. Tað fer at geva 1,1 miljón krónur í meirinntøku um árið, og kommunan fer sostatt ikki upp um nettoskuldahámarkið, ið er ein álíkning. Skattaprosentið er 23 prosent.

Er kopiera
Nýggjastu sendingar í ÚV
Nýggjastu sendingar í SV
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979