Virknis- og umlættingar-depil á Sandi

Virknis- og umlættingardepilin í Sandoynni verður bygdur heima á Sandi. Tað hevur landsstýriskvinnan í almannamálum nú avgjørt.

Nýggi stovnurin á Sandi er ætlaður børnum og ungum við serligum avbjóðingum úr øllum landinum. Men fýra pláss verða sett av til sandoyingar. Depilin skal ikki kosta meira enn 12,4 mió. kr. Eftir ætlan skal hann vera liðugur í 2016. Í deplinum verða átta kømur og felagshøli til 15 fólk.

Ætlanin um at byggja ein virknis- og umlættingardepil í Sandoynni hevur verið leingi á veg. Men higartil hevur ikki verið greitt, í hvørjari bygd byggjast skal. Tað er nú avgjørt, fekk Fíggjarnevndin at vita hósdagin. Bygginevndin mælir til at byggja á Sandi. Og tað hevur Annika Olsen, landsstýriskvinna, tikið til eftirtektar.