Fólkatalið í Føroyum veksur spakuliga

<p>Hagstovan hevur júst gjørt upp, hvussu nógv fólk búðu í Føroyum 1. september. Tá vóru 48.159 fólk, og tað er 134 fólk fleiri enn 1. september í fjør.</p>

<p>Burðaravlopið hetta 12 mánaðarskeiðið var 227. 93 fleiri fluttu av landinum, enn tað fluttu til landið.</p>

<p><strong>Havnin veksur</strong></p>

<p>Størsti fólkavøksur er í høvuðsstaðarøkinum. Har búgva 215 fólk fleiri enn í september í fjør.</p>

<p>Í Norðoyggjum og í Vágum búgva níggju fólk fleiri enn í fjør. Í øllum hinum økjunum minkaði fólkatalið samanlagt 99 fólk. Størsta afturgongdin er í Eysturoy.</p>

<p>Orsøkin til fólkavøksturin er, at færri flyta av landinum, og burðaravlopið í hesum síðsta 12 mánaðarskeiðið var meira enn tvær so stórt sum nettoflytingin av landinum, skrivar Hagstovan á netinum.</p>