Færri lomvigur í Grønlandi

Í llulissat í Grønland er vanliga ovmikið av lomvig til keyps niðri á Brettinum, Kalaaliaraq. Men so er ikki í ár.

Tað eru ikki færri lomvigur, men tær eru longri úti á havinum nú enn fyrr, sigur formaðurin fyri fiski- og veiðimansfelagið NAPP, Johannes Heilmann, við Sermitsiaq.ag.

Í Grønlandi er loyvt at skjóta lomvigu frá 15. oktober, og nú tveir mánaðir seinni, eru bara fáar lomvigur at síggja nærindis Nuuk.

Fylgja føðini

- Tað er náttúran, ið avgerð tað, og lomvigan fylgir føðini, sum í ár er langt úti á havinum, í mun til fyrr. Og siglir tú nóg leingi, renur tú teg í nógva lomvigu, sigur Johannes Heilmann.

Lívfrøðingar meta, at lomvigan er um at verða avoydd, og hava mælt til, at hon verður friðað.