Bara sýsluformansval í Sandoynni

Sýsluformansval er til Fiskimannafelagið í ár, og tá ið freistin at stilla upp var farin, varð greitt, at tað bara verður val í Sandoyar sýslu.

Tummas Frank Joensen úr Skúgvi stillar upp móti sitandi sýsluformanni, Sniálvi Røvilsberg úr Skopun, skrivar Fiskimannafelagið á heimasíðuni.

Atkvøðuseðlarnir eru sendir út, og freistin at atkvøða er 30. januar. Talt verður upp 31. januar.

Nýggja setan hjá sýsluformonnunum byrjar 1. februar.

Fiskimannafelagið hevur landsfund í Havn í dag.