Skúvoyarferjan á veg til Føroya

Nýggja skúvoyarferjan er á veg til landið í dag við farmskipi. Ferjan verður ikki hivað upp, fyrr enn farmaskipið kemur á Havnina í morgin, tí fyrst skal tað á Fuglafjørð.

Ferjan, sum skal avloysa Sildberan, er bygd í 1994. Hon tekur 30-36 fólk og fimm tons av farmi. Landsstýrið bað um um tríggjar milliónir krónur at keypa skipið fyri, sýna botnin og at taka tað heim til Føroya.

Klassakrøv

Harumframt skulu hálva fjórða millión krónur brúkast upp á at umbyggja og uppstiga skipið, so tað lýkur øll klassakrøv. Skipið skal hava nýggjan motor og nýggjan krana, og tað skal eisini sandblásast.

At keypa og uppstiga skipið fer sostatt at kosta hálva sjeyndu millión krónur. Gongst sum ætlað verður ferjan sett í sigling í vár.