Nú byrjar sakarmálið móti leiðsluni í gamla Eik

<p>Nú byrjar sakarmálið ímóti gomlu leiðsluni í Eik banka. Fíggjarligt støðufesti hevur stevnt gomlu leiðsluni og grannskoðaranum eftir 150 milliónum kr.</p>

<p>Teir sum eru stevndir eftir endugjaldinum eru fyrrverandi nevndarformaðurin í Eik banka, Fritleif Olsen, og fyrrverandi næstformaðurin í nevndini, Odd Bjellvåg. Fíggjarligt støðufesti stevnir eisini fyrrverandi forstjóranum, Marner Jacobsen og fyrrverandi stjóranum, Bjarna Olsen.</p>

<p>Grannskoðarafyritøkan Nota og grannskoðarin, Hans Jóhan Laksá, eru eisini við í stevningini. Fyrireikandi rættarfundur verður 17. januar.</p>

<p>Tá verður gjørt av, hvussu rættarmálið skal fara fram. Nevndarformaðurin í næstformaðurin í nevndini hava føroyskar advokatar at umboða seg, meðan hinir hava danskan advokat.</p>