Sambandsflokkurin: Í tvíningum um eldraøki

Fólkatingslimur floksins, Edmund Joensen, heldur tað vera púra burturvið at knýta eldraøkið og forskattingina av pensjónum saman.

Ætlanin er, at meginparturin av fíggingini, 235 millónir krónur, skulu koma frá inntøkunum, sum landið hevur fingið við at forskatta pensjónir.

Ein bumba

Edmund Joensen sigur í lesarabrævi á heimasíðuni hjá Norðlýsinum og á Vágaportalinum við yvirskriftini "Høgni Hoydal er bumban undir vælferðini": 

- "Mítt tilmæli er, at forskattingin av pensjónum verður rullað aftur, tá onnur fólk taka við landsins leiðslu. 

Pensjónsuppspararar skulu hava frið, og tey eldru skulu hava ein tryggan aldurdóm. Tað er veruligur sambandspolitikkur. Skil má koma á aftur" skrivar fólkatingumboðið hjá Sambandsflokkinum."