Kyndil steypavinnari

Steypið er farið frá øðrum grannanum til hin. Kyndil vann 19-14 á Neistanum í steypafinaluni hjá kvinnum. Hálvleiksstøðan var 10-6 til Kyndil.

Tað er sjálvdan, sera sjálvdan, at Neistin fer av vøllinum við bara fjúrtan málum, men tað kom ikki av ongum. Kyndilsverjan var uppsett og kontant frá fyrsta bríksli, og einki bleiv givið.

Tá tað so eydnaðist Neistanum at koma til skotmøguleikar, var Kristina Kriksaite í málinum klár. Hon hevði eitt bjargingarprosent upp á 56 prosent, og var uttan iva dagsins leikari.

Ungdómsarbeiðið hevur lagt lunnar

At Kyndil vinnur fyrsta steypið í kvinnuhondbólti í 14 ár kemur heldur ikki av ongum. Liðið er framvegis ungt, men fleiri av teimum ungu, sum hava vunnið nógv í ungdómsárinum, eru blivnar vaksnar.

SÍ EISINI Kyndilsmenn vunnu eisini

Liðið hevur nakrar rutineraðar leikarar, men tær flestu eru føddar 1993-1995, og tí er hetta úrslit av góðum ungdómsarbeiði í Kyndli.

Hetta er samstundis fyrsti steypasigurin hjá Kyndli síðan ár 2000, tá tær vunnu á VB

Toppskjúttar

Kyndil:

Simona Petersen 6

Anna Brimnes 3

Jórun Ludvig 3

Neistin:

Bára Hansen 6

Jacklin Durhuus 3

Rakul Augustinussen 2