Partabrøvini í AA hækkaðu nógv

Tíðindini um, at Atlantic Airways ætlar at keypa privatu partabrøvini í felagnum fyri kursin 210, setti rættiliga gongd á handilin við partabrøvum í føroyska flogfelagnum.

Eftir fráboðanina stutt eftir døgurða í gjár hækkaði kursurin á partabrævinum góð 43,6 prosent í Keypmannahavn.

Kursurin fór heilt upp í 209,5 seinnapartin í gjár.

Áðrenn nevndin í Atlantic Airways kunngjørdi sína ætlan, var kursurin á partabrævinum 144.

Í einum handli seinnapartin í gjár skiftu 1000 partabrøv eigara fyri kursin 205.