Sjóvinnustýrið ávarar um hitaovnar

Sjóvinnustýrið heitir á skiparar og øll, ið varða av skipum at halda vakið eyga við el- hitaovnum, so sum “Ribburørsovnum".

Tað hendir eftir at eldur herfyri kom í línuskipið "Pison", sum lá við bryggju í Lorvík.

Staðfest var, at ein hitaovnur, sum stóð ov tætt við timbur, var orsøk til eldsbrunan.

Sjóvinnustýrið mælir til, at slíkir ovnar - sleppa av við hitan. - eru festir, sum fyriskrivað frá framleiðara. - eru CE-merktir og egnaðir til nýtslu umborð á skipum. - eru ikki settir ella festir á eldfimt tilfar, so sum timbur.

Týdningarmikið er at tryggja, at einans ovnur, ið er egnaður verður settur í vátrúm.

Harumframt eigur regluligt eftirlit at tryggja, at - “ribburnar” eru reinar og heilar, - ongar “ribbur” mangla, og - at ongin teirra er rustað burtur.