Nógv olja í Íslandi

Olja fyri 6.000 milliardir kr. er at finna í økinum ímillum Ísland og Jan Mayen.

Verður oljan fingin upp, so kann Ísland gerast skuldarfrítt, skrivar norska Dagbladet.

Hildið verður, at 10 milliardir tunnur av olju eru í økinum.

- Finna vit eina keldu við einari milliard tunnum, so verður Ísland skuldarfrítt.

- Meiningakanningar vísa, at 80 prosent av íslendska fólkinum er fyri at fara at bora eftir olju, sigur stjórin í felagnum, Eykon Energy, Heidar Mar Gudhjonsson.

Noreg eigur sín part av leiðini, men hevur ongar ætlanir um at bora eftir olju við Jan Mayen.

Men eftir eini avtalu frá 1981, skal Noreg hava 25 prosent av oljuni sum íslendingar kanska finna í økinum.