200.000 kr. til børn við krabbameini

200 gestir høvdu goldið 1000 krónur hvør, fyri at luttaka á galladøgurðanum, ið Team Rynkeby Føroyar skipaði fyri.

Á skránni var ein tríggjar rættir matskrá, umframt at fleiri av fremstu undirhaldarum í landinum framførdu ókeypis, eitt nú Pipar & Salt, Hallur, Kristina og Evi og Lív Næs.

- Vælviljin, vit hava møtt í Føroyum, kann ikki lýsast í orðum, sigur Alfred Hummeland frá Team Rynkeby.

Góða undirtøkan ger, at ætlanin er at gera Team Rykeby galladøgurðan í Føroyum til eitt afturvendandi tiltak.

Les greinina og síggj myndir frá tiltakinum á heimasíðuni hjá Team Rynkeby Føroyar.