Her eru tølini fyri fátækramark í Føroyum

Støk eiga í minsta lagi at hava 9.796 krónur at liva fyri um mánaðin, pør við tveimum børnum 20.677 kr. Annika Olsen fekk í morgun handað nýtt álit

Stakir uppihaldarar í Føroyum eru ringast fyri fíggjarliga, er ein av niðurstøðunum í nýggjum áliti, ið varð handað landsstýriskvinnuni í almannamálum fríggjamorgunin

Bjarni Mohr

14.03.2014 - 12:14

Arbeiðsbólkurin, ið varð mannaður við starvsfólkum í Almannamálaráðnum, Hagstovuni, Fróðskaparsetrinum og Almannaverkinum, handaði í morgun landsstýriskvinnuni nýtt álit.

Sí øll tølini niðanfyri, og tak niður frágreiðingina

Ert tú støk - ella stakur - eigur tú at hava í minsta lagi 9.796 krónur at liva fyri hvønn mánað. Hevur tú fýra børn, skalt tú helst hava í minsta lagi 26.585 krónur eftir hvønn mánað.

Løgtingið setti í 2011 ein arbeiðsbólk at útgreina, hvat húsarhald í Føroyum eiga at hava av peningi at liva fyri hvønn mánað fyri at kunna hava sámilig livikor.

Yvirlit: Fátækramark í Føroyum 2014

<table border="1" bordercolor="#FFFFFF" cellpadding="3" cellspacing="3" style="background-color:#FFFFFF" width="470">
<tbody>
<tr>
<td> </td>
<td>Um mánaðin</td>
<td>Um árið</td>
</tr>
<tr>
<td>Støk</td>
<td>9.796</td>
<td>117.548</td>
</tr>
<tr>
<td>Par uttan barn</td>
<td>14.770</td>
<td>177.235</td>
</tr>
<tr>
<td>Støk við einum barni</td>
<td>12.800</td>
<td>153.604</td>
</tr>
<tr>
<td>Støk við tveimum børnum</td>
<td>15.754</td>
<td>189.051</td>
</tr>
<tr>
<td>Par við tveimum børnum</td>
<td>20.677</td>
<td>248.129</td>
</tr>
<tr>
<td>Par við fýra børnum</td>
<td>26.585</td>
<td>319.023</td>
</tr>
</tbody>
</table>

Stakir uppihaldarar ringast fyri

Tað eru serliga stakir uppihaldarar, ið fylla nógv í bólkinum av føroyingum, sum eru í fátækravanda, er ein av niðurstøðunum hjá arbeiðsbólkinum.

Tak niður: <a href="http://kvf.fo/sites/default/files/alit_um_fataekramark.pdf" target="_blank">Álit um eitt føroyskt fátækramark</a> (PDF-skjal, letur upp í nýggjum kaga)

Sambært frágreiðingini liva 1555 føroyingar undir fátækramarkinum. Í talinum eru 630 fólkapensjónistar, sum ikki rættiliga telja við kortini, sigur arbeiðsbólkurin.

Markið fyri, at fólk liva undir fátækramarkinum, er, at lønarinntøka teirra er minni enn 60% av miðalinntøkuni hjá øllum løntum føroyingum, sambært tølum hjá Hagstovuni.