Troytt fólk taka bestu avgerðirnar

<p>Hevur tú onkuntíð hugsað, at tað hevði verið lættari hjá tær at tikið eina trupla og stóra avgerð, um tú vart hvíldur heldur enn troyttur?</p>

<p>So fert tú skeivur, sambært nýggjari gransking í Hollandi. Granskingin vísir nevnliga, at júst tað øvugta er galdandi fyri okkum menniskju.</p>

<p>Tveir hollendskir granskarar hava nú funnið útav, at fólk hava lættast at taka avgerðir - stórar sum smáar - tá tey eru troytt, og ikki tá tey eru hvíld.</p>

<p><strong>Serliga gott fyri heilsuna</strong></p>

<p>Tað eru serliga avgerðir, ið hava við heilsuna hjá okkum at gera, ið verða betri, tá vit eru troytt og illa fyri í kroppinum, siga granskararnir.</p>

<p>- Tað vísir seg, at fólk taka tær bestu avgerðirnar, tá tey eru troytt, tí tá kann kroppurin betri merkja, hvat er gott fyri hann, sigur Angela Y. Lee á Erasmus University.</p>

<p>Nýggja granskingin kann brúkast í marknaðarføring av heilsugóðum vørum, er ein av niðurstøðunum í granskingini, <a href="http://www.press.uchicago.edu/pressReleases/2014/February/1402LisjakJCR.... target="_blank">skrivar The University of Chichago Press</a>.</p>