Fyrireika kanning av fíggjarligum viðurskiftum

<p>Landsstýrismálanevndin hjá løgtinginum hevur í dag biðið Johan Dahl, landsstýrismann, Strandfaraskip landsins og Landsgrannskoðanina um frágreiðing og skjøl, nú nevndin fer at kanna Johan Dahl.</p>

<p>Allir fýra andstøðuflokkarnir hava kært fyrisitingina hjá Johan Dahl í sambandi við fíggjarligu viðurskiftini á Strandfaraskipum Landsins í 2013.</p>

<p>Floksformenninir, sum hava skrivað undir kæruna, vísa til frágreiðingina og viðmerkingarnar hjá løgtingsgrannskoðarunum, sum løgtingið fekk 1. mai. Í teimum eru nógvar óvanliga hvassar atfinningar at Vinnumálaráðnum og landsstýrismanninum.</p>

<p><strong>SÍ EISINI <a href="http://kvf.fo/greinar/2014/05/13/landsstyrismalanevndin-kannar-johan-dah...ýrismálanevndin kannar Johan Dahl</a></strong></p>

<p>Andstøðan vil hava Landsstýrismálanevndina at gera niðurstøður um, hvørt Johan Dahl hevur fyrisitið á lógligan hátt, hildið stýrisskipanarlógina, lógina um landsins játtanarskipan og lógina um ábyrgd landsstýrisins.</p>

<p>Harafturat um Johan Dahl annars hevur røkt tær skyldur, sum áliggja honum sambært lógum og reglum í fyrisitingini av hesum málinum, sum er fíggjarliga støðan hjá Strandferðsluni í 2013.</p>

<p>Landsstýrismálanevndin hevur biðið um at fáa frágreiðingar og skjøl innan 14 dagar. Nevndin vil eisini hava at vita, um skjølini, hon fær, eru send nevndini í trúnaði.</p>