Fundurin liðugur - løgmaður onga viðmerking

Enn er ógreitt, hvørja avleiðing tollmálið hjá Jørgeni Niclasen, landsstýrismanni, fær fyri samgonguna.

Sambandsflokkurin hevur sitið á fundi í 4-5 tímar í dag at viðgera støðuna, men stutt eftir klokkan tvey, sum vóru á fundi, hvør til sítt.

Tingbólkurin hjá Sambandsflokkinum heitti einmælt á løgmann um at biðja Jørgen Niclasen fara frá sum landsstýrismaður orsakað av tollmálinum. Hesum sýtti Jørgen Niclasen fyri. Og nú hevur so Sambandsflokkurin sitið á fundi í dag at viðgera, hvat nú skal henda.

Løgmaður segði fyri útvarpinum hósdagin, at fýra møguleikar vóru til at taka: At skriva út nýval, at taka Sambandsflokkin úr samgonguni, at Fólkaflokkurin fer úr samgonguni, og so at landsstýrismaðurin í fíggjarmálum umhugsaði sína støðu sera gjølla.

Løgmaður hevði onga viðmerking, tá fundurin hjá Sambandsflokkinum var liðugur um tvey-tíðina seinnapartin.