South Pelagic ongan svartkjaft

Reiðaríið South Pelagic sleppur ikki at fiska svartkjaft í ár.

Ting.fo skrivar, at Vørn hevur boðað felagnum, sum eigur Grunnabarð frá, at felagið ikki fær rættindi til svartkjaft í 2014.

Víst verður til, at svartkaftaloyvi sambært einari kunngerð frá desember í fjør verða latin eigarum at skipum, sum høvdu loyvi at fiska svartkjaft í fjør.

Og tað hevði South Pelagic ikki.

Felagið, sum eigur Grunnabarð hevur eisini søkt Fiskimálaráðið um rættindi at fiska makrel og sild í ár, men tann kunngerðin er ikki lýst enn, og tí hevur felagið í Vági ikki fingið svar uppá ta umsóknina.

Grunnabarð varð flutt til Thor í 2013 og fiskaði makrel fyri felagið í Hósvík tá.