Umboðsmaðurin átalar Almannaverkið

Almannaverkið hevur fingi átalu frá Løgtingsins umboðsmanni. 

Umboðsmaðurin hevur viðgjørt eina klagu um, at Almannaverkið ikki gav klagaranum skrivliga útgreining av eini avgerð um endurgjald fyri mista inntøku vegna sjúkt barn. 

Hóast fleiri rykkjarar, tók tað Almannaverkinum átta mánaðir at senda klagaranum útgreinginina. 

Eftir at umboðsmaðurin hevði sent Almannaverkinum klaguna til ummælis, og Almannaverkið hevði eftirkannað málið fyri aðru ferð, vísti tað seg, at klagarin hevði fingið útgoldið umleið 13.000 krónur ov lítið. 

Umboðsmaðurin helt handfaringina av málinum vera alt annað enn nøktandi, og gav Almannaverkinum eina átalu.