TF-íløgur selt partabrøv í Bakkafrosti

TF-Íløgur hjá TF-Holding hjá Tryggingarfelagnum Føroyum seldu í gjár partabrøv í Bakkafrosti fyri 69,9 mió. norskar krónur, slakar 63 milliónir danskar.

TF-Íløgur seldu fjórðingin av sínum partabrøvum, 600.000 partabrøv, fyri kursin 116,50 norskar krónur, upplýsir Bakkafrost í fráboðan til keypsskálan í Oslo í gjár.

Partabrævasølan ger, at TF-Íløgur fara niður um fimm prosent í partabrøvum í Bakkafrosti. 

Eftir søluna í gjár eiga TF-Íløgur knappliga 3,8 prosent í Bakkafrosti.