- Tíðindi, mentan og ítróttur
Depilin til fjølbrekað liðugur í heyst
Depilin til fjølbrekað liðugur í heyst
Á deplinum verða bæði dag- og umlættingartilboð

Mynd: Landsverk
02.07.2014 - 09:36
Arbeiðið at byggja depil til fjølbrekað børn og ung í Runavík gongur væl, og eftir ætlan verður depilin liðugur síðst í oktober, skrivar Landsverk.
Á deplinum verða bæði dag- og umlættingartilboð. Ætlanin er at samskipa allar tænasturnar á einum staði, soleiðis at tilboðini, sum í dag eru pettað sundur, í framtíðini verða eitt samanhangandi heildartilboð til børn og ung við fjølbreki.
Landsverk er byggiharri, og høvuðsarbeiðstakari Byggivirkið KBH.
Í løtuni verður bygningurin bjálvaður og klæddur, og hurðar og vindeyga verða sett í.
Nýggi depilin verður latin byggiharranum 30. oktober.
Nýggjastu sendingar í ÚV
Nýggjastu sendingar í SV




























