Herverk á politistøðina í Klaksvík

Herverk varð í nátt framt á politistøðina í Klaksvík. Ein steinur er grýttur gjøgnum síðurútin í úthurðini.  

Løgreglan hevur vakmyndatól á bygninginum, og tí er lætt at staðfesta, hvør gerningsmaðurin er. Og hann verður handtikin í morgun, sigur Rani Wardum, vakthavandi á politistøðini.

Í Leirvík vórðu boð seint í gjárkvøldið send eftir sløkkiliðnum, tí hildið var, at eldur var í skúlanum.  Tá fólk kom á staðið, varð greitt, at tveir menn høvdu kynt eld í tvær eingangsgrillir, og tað elvdi til nógvan royk.

Grillirnar vórðu sløktar, men søgan sigur einki, um búffarnir vórðu gjøgnumsteiktir.