Svimjarar taka føroysk met

Tveir føroyskir svimjarar settu nýggj met í Evropeisku juniormeistarastevnuni, sum byrjaði í gjár.

Ásbjørg Hjelm úr Ægir setti føroyskt met og juniormet í 50 metur bringusvimjing. Hon svam teinin við tíðini 35,33 sekund. Gamla føroyska metið frá 2008 átti Malan Vitalis Bærendsen.

Óli Mortensen úr Havnar Svimjifelagi sett føroyskt juniormet í 400 metur frísvimjing. Tíðin hjá Óla var 3,59,67. Óli tók næstan tvey sekund av gamla metinum, sum hann sjálvur átti.

Svimjing.com skrivar, at í 100 metur frísvimjing var Victoria Wigant Eysturdal ein hundraðpart frá sínum føroyska juniormet.