Nógv fleiri milliónir at byggja fyri

Umvælingar og nýbygging hjá tí almenna taka rættiliga dik á seg í ár. 

Árini 2013-2014 eru slakar 500 milliónir krónur settar av til almenna bygging og til umvælingar.

Størsta verkætlanin er Skúladepilin við Marknagil, sum fer við 202,3 milliónum krónum árini 2013-2014, skrivar Landsverk í sínari ársfrágreiðing.

Bústovnar verða bygdir fyri 90 milliónir og góðar 54 milliónir fara til Landssjúkrahúsið. 

Minni til rakstur

Íløgur í vegir og tunlar eru eisini vorðnar nakað størri. Í 2013-2014 fer meira ein enn triðingur av íløgunum í landsvegakervið til Viðareiðistunnilin.

Samstundis sum løgtingið játtar nógv meira til íløgur, fær Landsverk ikki meira til rakstur, heldur tvørturímóti.

Landsverk skrivar í ársfrágreiðingini, at síðani 2012 eru íløgurnar í bygningar vaksnar rættiliga nógv, íløgur í infrakervið eru eisini hækkaðar nakað, men játtanirnar til rakstur seinastu longu árini eru tódnaðar.