Stívd, sneidd og snøggað til ólavsøku

Trøð og runnar móti gøtu, vegi og almennum øki skulu klippast, sigur Tórshavna Kommuna.

Løgreglan kann eftir samráð við kommununa krevja, at trø og runnar og annar vøkstur verða stívd, sneidd ella snøggað, um ein ikki ger tað sjálvboðin. Um boðini ikki verða aktað, kann arbeiðið verða gjørt fyri rokning grundeigarans.

Klipt skal verða ájavnt við mark, yvir gongu- og súkklubreyt skal fríhæddin vera 2,5 metrar. Hæddin yvir koyrivegi skal vera 4,2 metrar - og tá skal fyrivarni takast fyri, at regn kann tyngja greinarnar niður, skrivar Tórshavnar kommuna á síni heimasíðu.