Fiskidagarnir avgreiddir - Eivin atkvøddi blankt

Nú er greitt, at fiskidagarnir næsta fiskiár verða teir somu sum í ár.

Løgtingið avgreiddi fyri løtu síðani uppskotið frá Jacobi Vestergaard, landsstýrismanni. Við triðju viðgerð vóru 19 atkvøður og 12 ímóti.

Einki broytingaruppskot var við triðju viðgerð.

Eivin Jacobsen úr Sambandsflokkinum, sum við aðru viðgerð atkvøddi ímóti uppskotinum frá landsstýrismanninum, segði undan viðgerðini í dag, at hann fór eisini at atkvøða ímóti uppskotinum við triðju viðgerð, kom einki broytingaruppskot. Men í dag atkvøddi hann blankt. Við aðru viðgerð atkvøddi Eivin Jacobsen yri uppskotinum frá andstøðuni í Vinnunevndini, sum mælti til at skerja fiskidagarnar fimm prosent. 

Nýggja fiskiárið byrjar 1. september