Kjak um Ukraina og útflutningin til Russlands

​Føroyar eru ikki umfataðar av teimum móttiltøkum, sum Russland hevur sett í verk ímóti USA og ES londum, teirra millum Danmark.

Tí verður føroyskur útflutningur til Russlands ikki nervaður av tí innflutningsbanni, sum russiskir myndugleikar hava sett í verk, og sum raka vørur úr USA, ES londum og úr Noregi.

Men er tað rætt, at Føroyar útflyta vørur til Russlands, tá noktað verður USA, ES londum og Noregi at gera tað -  demokratisk lond, sum vilja verja Ukraina og tess rætt sum sjálvstøðugt land, og tí leggja trýst á Russland at gevast við at stuðla russiskt sinnaðum eystur-ukreainum í uppreistrinum móti stjórini i Kiev?

Gestir í kjakinum eru Høgni Hoydal, næstformaður, og Jenis av Rana, limur í Uttanlandsnevndini. Bogi Godtfred er vertur.