Pál Joensen vunnið EM-silvur

<p>Pál Joensen fekk í kvøld eitt sera flott útslit í EM-kappingini í Berlin.</p>

<p>Pál kom á mál í 1500 m. finaluni&nbsp;sum nummar tvey við tíðini 14.50.59. Vinnarin varð Gregorio Paltrinieri við tíðini 14.39.93</p>

<p>Vábingurin byrjaði varliga, og var hann leingi á fimta plássi, meðan Gabriele Detti (ITA) og Stephen Milne (ONG) vóru á ávíkavist øðrum og triðja plássi.</p>

<p>Taktikkurin hjá Páli riggaði. Tá ein triðingur var eftir, 500 metrar, tók hann teir báðar, og hann helt seg á øðrum plássi líka til hann kom á mál.</p>

<p>Eitt sera gott avrik frá Páli Joensen, sum er næstbestur á 1500 metra teininum í Evropa.</p>

<p>Her er ein samrøða, ið Rókur í Jákupsstovu frá Svimjisambandi Føroya gjørdi við Pál Joensen eftir svimjingina.&nbsp;</p>

<p>&nbsp;</p>

<p><iframe allowfullscreen="" frameborder="0" height="315" src="//www.youtube.com/embed/vS2ic1L0hA8" width="560"></iframe></p>

<p>&nbsp;</p>

<p><strong>Úrslit og tíðir:</strong>&nbsp;</p>

<p><strong>1. Gregorio Paltrinieri - Italia - 14.39.93</strong></p>

<p><strong>2. Pál Joensen - Føroyar - 14.50.59</strong></p>

<p><strong>3. Gabriele Dette - Italia - 14.52.53</strong></p>

<p><strong>4. Stephen Milne - Bretland - 14.53.83</strong></p>

<p><strong>5. Jay Lelliott - Bretland - 14.58.74</strong></p>

<p><strong>6. Gergely Gyurta - Ungarn - 15.03.26</strong></p>

<p><strong>7. Richard - Nagy - Slovakia - 15.11.97</strong></p>

<p><strong>8. Antonio Perez - Spania - 15.16.21</strong></p>

<p>&nbsp;</p>

<p>&nbsp;</p>

<p>Í morgin svimur Pál innleiðandi umfarið í 800 m. kappingini, har hann skal royna at koma í finaluna, sum verður fríggjadagin.</p>

<p>&nbsp;</p>