Pison og Ågot kostaðu tryggingini fyrra hálvár

Tvey fiskiskip kostaðu Tryggingarfelagnum Føroyum nógv fyrra hálvárið í ár.

Eldur kom í Pison í Leirvík, og Ågot varð ásigld í Klaksvík.

Endurtryggingar vóru ikki at taka við. Tí eru skaðarnir fyri egnu rokning størri enn sama tíðarskeiðið í fjør. Og tí hevði Tryggingarfelagið 7,7 mió. kr. í halli til 1.juli. Í fjør vóru 23,2 milliónir í avlopi fyrra hálvárið, tí tá vóru fáir stórir skaðar. 

Aðrar orsakir til hallið í ár eru príslækkingar og kapping frá tryggingarfeløgum í Føroyum, Danmark og Íslandi.