Lesandi við serligum tørvi fáa betri sømdir

Lesandi við serligum tørvi fáa nú betri sømdir í kunngerðini um lestrarstuðul. 

Í kunngerðini eru treytir fyri at koma undir tað, sum eitur heiltíðarlestur í lógini. Fyri at koma undir heiltíðarlestur krevst, at fólk hava í minsta lagi 20 lestrartímar um vikuna. 

Tó kunnu lesandi við heimabúgvandi børnum undir tíggju ár koma undir reglurnar um heiltíðarlestur, hava tey í minsta lagi 16 tímar um vikuna. 

Soleiðis stóð í kunngerðini. Men nú er hon broytt, so eisini lesandi við serligum tørvi koma undir reglurnar um heiltíðarlestur, um tey hava í minsta lagi 16 tímar, og ikki 20 lestrartímar, um vikuna. 

Broytingin er galdandi frá 1.august í ár.