Dalai Lama til Kina

Dalai Lama hevur ikki verið í Tibet síðani 1959, tá hann flýddi, tí Kina legði Tibet undir kinesiskt vald og gjørdi landið til kinesiskan landspart. Síðani tá hevur Dalai Lama búð í útlegd í Norður-india. 

Dalai Lama er 79 ára gamal og hevði m.a. viljað sloppið at vitja Wutai Shan fjallið í Tibet, sum er tibetanarum heilagt. Og kinesarar eru kanska hugaðir at lata Dalai Lama sleppa at vitja heimlandið.

Hildið verður, at kinesiski forsetin Xi Jinping betur skilir støðu Tibets enn undanmaðurin Hu Jintao. Í hvussu er hevur Xi Jinping, forseti, sagt, at buddisman hevur týdning fyri Kina og kinesiska samfelagið.