Næstan bara kvinnur hava umsorgan sum arbeiði

Næstan bara kvinnur hava umsorgan sum arbeiði
Umsorgan er størsti starvsbólkur í Føroyum sambært fólkateljingini í 2011
Í fólkateljingini 11.11.11 svaraðu 27.129 fólk spurninginum um starv.
 
09.10.2014 - 07:28

Umsorgan er størsti starvsbólkur í Føroyum, sambært fólkateljingini í 2011.

2.352 fólk arbeiddu við umsorgan tann 11.november í 2011 og næstan bara kvinnur, 92 prosent.

Í starvsbólkinum "umsorgan" eru millum annað heilsurøktarar, heimahjálp, hjálparfólk á stovnum, sjúkrarøktarfrøðingar á stovnum og námsfrøðingar á stovnum.

Tey, sum arbeiða hjá Heilsuverkinum, eru í bólkinum "heilsustarvsfólk". Tey eru 900 í tali. Eisini har eru kvinnurnar í stórum meirluta, tær eru 87 prosent. 

Mannfólkini eru flest í bólkinum, sum eitur "tøkningar í vísindum, verkfrøði, skips- og loftferðslu." Í hesum bólki eru millum annað yvirmenn á skipum, byggifrøðingar, maskinmeistarar og flogskiparar.

Í fólkateljingini søgdu 2.344 fólk seg arbeiða í hesum bólkinum, og 97 prosent eru menn.

Næstan líka nógv

Í onkrum bólki er býtið millum kynini javnari. Eitt nú í bólkinum "arbeiði við løgfrøði, samfelagsvísindum og mentan." 

Hetta eru millum annað løgfrøðingar, sosialráðgevar, fjølmiðlafólk og prestar.

Her eru 234 menn og 202 kvinnur. 

Í bólkunum "tænasta" og "búskapur, umsiting og søla" er býtið 51 prosent menn og 49 prosent kvinnur.

Og 1.390 fólk arbeiða á flakavirkjum og øðrum fiskavirkjum, 608 kvinnur og 782 menn.

 

Er kopiera
Nýggjastu sendingar í ÚV
Mánadag 3. februar
Dansival - Gestur er Levi Niclassen
187259
Mánadag 3. februar
Dansival - Gestur er Eydna í Homrum
187257
Mánadag 3. februar
Morgunlestur mánadagur 3.februar 2025
186652
Sunnudag 2. februar
Bolero - Clara Schumann
187200
Nýggjastu sendingar í SV
Sunnudag 2. februar
Ítróttafagnaðurin 2024
187188
Sunnudag 2. februar
Guðstænasta úr Kirkjubøar kirkju
187196
Fríggjadag 31. januar
Veðrið
187155
Hósdag 30. januar
Heim, kæra heim 2:3
187109