Útgjald úr eftirlønargrunni veksur

<p>Sostatt hækkar eftirlønin úr 2.930 upp í 3.010 krónur um mánaðin, so hon verður 36.120 krónur um árið. Henda áseting er galdandi fyri árið 2015.</p>

<p>Lógin um arbeiðsmarknaðareftirlønargrunn ásetir, at stýrið fyri grunnin skal áseta útgjaldið í seinasta lagi 1. oktober fyri álmanakkaárið eftir.</p>

<p>Eftirlønarútgjaldið var 86 prosent av inngjøldunum í 2013 og væntast at vera 88 prosent av inngjøldunum í 2014. Í 2013 vórðu útgoldnar 238,8 milliónir&nbsp;krónur&nbsp;í eftirlønum úr arbeiðsmarknaðareftirlønargrunninum.</p>