- Tíðindi, mentan og ítróttur
Suðurkoreanskir ákærar krevja deyðarevsing
Suðurkoreanskir ákærar krevja deyðarevsing
Í november fellur dómur í málinum, tá ein suðurkoreansk ferja koppaði og 304 ferðafólk og 15 av manningini doyðu.
![](https://kvf.fo/sites/default/files/styles/grein-ovasta-mynd/public/koreanskur_skipari_0.gif?itok=xOzTm_k3)
Suðurkoreanski skiparin Lee Joon-seok
Mynd: Reuters
27.10.2014 - 08:58
68 ára gamli skiparin, Lee Joon-seok, fór av skipinum áðrenn tað sakk, og var sostatt ikki við í hjálpararbeiðnum, at fáa ferðafólkini av skipinum, skrivar Reuters í morgun
Skiparin, sum er ákærdur fyri manndráp fyri ikki at hava gjørt sítt arbeiði, skal hava deyðarevsing, sigur ein av ákærunum í rættinum. 304 fólk, harav flestu vóru skúlabørn, og 15 av manningini, lótu lív í vanlukkuni. Skiparin gav ferðafólkinum boð um at halda seg í kahúttunum, til onnur boð vóru givin.
Dómurin fellur í november.
Nýggjastu sendingar í ÚV
Nýggjastu sendingar í SV