Meira komið inn í skatti

<p>Landið hevur fingið meira pengar inn í skatti higartil í ár enn somu tíð í fjør. Ein uppgerð hjá TAKS vísir, at landið fyrstu 10 mánaðirnar í ár hevur fingið 53,4 milliónir krónur meira inn enn sama tíðarskeið í fjør.</p>

<p>Higartil í ár hevur landið fingið 1,08 milliard krónur inn í skatti, og sammett við í fjør er landsskatturin 5,18 prosent hægri enn um somu tíð í fjør. Føroysku kommunurnar hava higartil fingið nakað meir inn í skatti fyrstu tíggju mánaðirnar í 2014 samanborið við sama tíðarskeið í fjør.</p>

<p>Kommunurnar hava higartil í ár samanlagt fingið eina milliard og 233 milliónir krónur inn í skatti, og hetta eru 50 milliónir krónur ella 4,28 prosent meir enn sama tíðarskeið í fjør, sigur TAKS á heimasíðuni.</p>