Tilkomin maður druknaður í Havn

Ein tilkomin maður doyði í gjárkvøldið, tá hann - eftir øllum at døma - datt niður ímillum bátin og bátabrúnnar við Kongabrúnna í Havn og druknaði. 

Maðurin var farin at hyggja til bátin hjá sær, og tá hann ikki kom aftur, fóru avvarandi at leita. 

Løgreglan var eisini boðsend. Motorurin á bátinum gekk, men maðurin var ikki at síggja. Maðurin varð funnin lívleysur á sjónum. 

Enn er ógreitt, júst hvat er hent. Ein sjúkrabilur var boðsendur beinanvegin og maðurin var í skundi fluttur á sjúkrahúsið.