Íslendingar og Varðin keypa trolvirki í Klaksvík

Íslendska fyritøkan Hampiðjan og Varðin í Gøtu hava keypt 90 prosent av trolvirkinum Sílneti í Klaksvík.

Tað varð fráboðað keypsskálanum í Reykjavík í gjár. 

Kristian Sofus í Lambanum, sum stovnaði smápartafelagið Sílnet, eigur nú tíggju prosent av felagnum. Hann heldur fram í stjórastarvi í fyritøkuni.

Hans Jacob Paulsen er stjóri í Sílneti.

45 prosent í part

Hampiðjan og Varðin eiga 45 prosent hvør í Sílneti. Hampiðjan keypti sín part fyri 600.000 kr. 

Hampiðjan selur nógva útgerð til føroysku uppsjóvarskipini, bæði trol og veirar. Samstundis er partapeningurin í Sílneti hækkaður seks milliónir krónur, Hampiðjan og Varðin seta tríggjar milliónir hvør í felagið, sum tey hava keypt. 

Neyðugt var at hækka partapeningin, so felagið kundi ogna sær hóskandi høli og amboð og maskinur.

Sílnet ger trol og nótir. Felagið varð stovnað fyri 12 árum síðani. Tað var fyrst í Gøtu, men er nú í Klaksvík. Fyri stuttum flutti fyritøkan í 1900 fermetra stóra høll í Klaksvík.